Presidenti rus Vladimir Putin ka folur për mediat pas takimit që zgjati disa orë mes tij dhe Joe Biden.
Ai e përshkroi Biden si të ndryshëm nga udhëheqësit e tjerë, po nu ki kuresu kritikat për Amerikën dhe për dhunën e saj me armët.
“Gjithçka që ndodh në vendet tona, në një mënyrë ose në një tjetër është përgjegjësi e vetë udhëheqësve, shikoni në rrugët e Amerikës, çdo ditë ka vrasje,” tha ai.
“Ju nuk keni kohë të hapni gojën dhe ju jeni qëlluar për vdekje”.
Ai foli më tej për të drejtat e njeriut duke pretenduar se kishte burgje të fshehta të CIA-s në të gjithë globin ku njerëzit torturohen.
Në konferencën për shtyp, Presidenti Putin i dha Joe Biden një kompliment të rrallë, duke e përshkruar atë si një “burrë shteti me përvojë”.
Ata folën në detaje për dy orë, jo diçka që mund të bësh me shumicën e politikanëve sipas Putin.
“Ai është shumë ndryshe nga Presidenti Trump,” tha presidenti rus.
Kur u pyet për udhëheqësin e opozitës së arrestuar Alexei Navalny, Putini bëri thirrje për mbulim të paanshëm mbi incidentin.
“Ky person e dinte që ai shkeli ligjin që ekziston në Rusi dhe ai është një shkelës i përsëritur. Ai e dinte mirë se ishte në kërkim, por megjithatë u kthye në Rusi dhe ai qëllimisht donte të arrestohej. Ai bëri atë që donte të bënte”, tha Putin.
Presidenti rus i ka quajtur bisedimet shumë konstruktive dhe tha se nuk mendonte se kishte ndonjë armiqësi.
Ai thotë se të dy palët kanë rënë dakord të kthejnë diplomatët e dëbuar nga vendet e njëri-tjetrit. Ai gjithashtu tha që ata kishin diskutuar për Ukrainën që ndoshta të bashkohej me aleancën e NATO-s – diçka që Putin tha se u prek si çështje.
