Mbrëmjen e djeshme ka ndërruar jetë mjeku i spitalit të Traumës Luan Nikollari. Lajmi bëhet i ditur nga familjarë dhe miq të Nikollarit, i cili ka mbajtur disa detyra dhe pozicione në mjekësinë shqiptare. Në një postim në rrjetet sociale, ka qenë eksperti i shëndetit publik Erion Dasho, ai që ka shkruar fjalë të ndjera për kolegun e tij:
I rëndë lajmi për ndarjen nga jeta të doktor Luanit, të cilin sa herë e takoja e quaja “kolonel”. Punuam vitë të tëra së bashku ku koloneli ishte shembull i profesionalizmit dhe korrektesës. Mbi të gjitha, një njeri i përsosur!
Pusho në paqe, kolonel! Qofsh gjithmonë i kujtuar nga miqtë e shumtë bluzëbardhë dhe me uniformë!
Të shumta kanë qenë mesazhet e ngushëllimit dhe nga të tjerë mjek e miq të Nikollarit, ndërkohë që ndarja e tij nga jeta ka qenë e papritur, pasi nuk raportohet që të ketë vuajtur nga ndonjë sëmundje e rëndë.
Petrit Vasili: Cfare dhimbje.Mik i shkelqyer, fisnik dhe zemerbardhe. U prehte ne paqe Luani i mire
Maksim Basho: I ndricofte shpirti ne parajse kolegut te nderuar.ngushellime familjes.
Tritan Kalo: Një djalë, baba e koleg i përsosur. Të qoftë i lehtë dheu Dr. Luani!!!
Tritan Shehu: Nje humbje e vertete. Ngushellimet me te sinqerta!
Eksperienca e gjatë e Nikollarit:
Nga viti 2013 e në vazhdim: Shef i Shërbimit te Statistikës Spitali Universitar i Traumës
2012 -Drejtor i Institutit të Kërkimeve Mjekësore Ushtarake (IKMU) ne Spitalin Ushtarak Qendror Universitar (SUQU)-Tiranë.
2000-2006- Drejtor i Drejtorisë se Shëndetësisë Ministria e Mbrojtjes.
1999-2000 Spitali Ushtarak Qendror Universitar (SUQU), Shefi i Departamentit te Epidemiologjisë.
1993-1998 Shefi i Shërbimit te Mjekësisë Parandaluese dhe përgatitjes Shëndetësore, Drejtoria e Shëndetësisë Ministria e Mbrojtjes.
1983-1993 Shefi i Shëndetësie se Br135 K. Shefi i Shëndetësisë se Divizionit K, Delvine.
