Ka shkuar në 2 numri i policëve të infektuar me COVID-19 në qytetin e Durrësit.
Sipas “Dosja.al”, pas skanerit ka rezultuar pozitive një punonjëse tjetër.
Kjo e fundit ndante zyrën me të infektuarin që mbërriti paraditen e sotme tek Infektivi, i cili ka detyrën e shefit të burimeve njerëzore.
Mësohet se gjendja e saj nuk është shumë e mirë, ndërsa pritet edhe përgjigja e tamponit.
Durrësi numëron 9 të prekur nga COVID-19 dhe është qyteti i katërt me numrin më të lartë, pas Tiranës, Fierit dhe Korçës.
Bilanci i COVID-19 në vendin tonë është 146 të prekur, nga të cilët 17 të shëruar dhe 5 viktima.
Në përditësimit e fundit të Ministrisë së Shëndetësisë u mësua se gjatë 24 orëve të fundit janë kryer 111 teste, nga të cilët 23 rezultuan pozitiv.
Në repartin e Infektivit janë shtruar 72 persona, ku 4 janë në gjendje të rëndë, 3 prej të cilëve ndodhen në intubim
Harta e qyteteve të prekur nga koronavirusi u zgjerua me Krujën, e cila regjistroi rastin e parë.
Autoritetet ndërkohë vijojnë me thirrjet për respektimin e rregullave të higjienës, distancimit social dhe kufizimin e daljeve nga shtëpitë.
