Ditën e sotme, në AKSHI ka plasur një skandal i radhës ku një punonjëse e këtij institucioni është kapur teksa transportonte një sasi prej 58 kg hashash.
AKSHI ka nisur procedurën për shkarkimin nga puna të të Erisa Feros, e cila u kap me 58 kilogramë kanabis në makinë. 28-vjeçarja ishte punonjëse pranë sektorit përkatës të e-Albania, në nivelin Specialiste.
Vlen të theksojmmë se Pas patronazhistëve, hakerimeve nga Irani, ditë pas dite po provohen pika të dobëta bashkë me të palarat e këtij institucioni të cilit i janë besuar informacionet më të rëndësishme të shqiptarëve që dolën në shesh, si dhe një sasi e madhe e fondeve nga buxheti i shtetit. Analiza e gazetarit Klodian Tomorri tregon më së miri gjendjen e këtij institucioni ‘strategjik’, icili është pompuar nga pushteti si një arritje e madhe.
Reagimi i AKSHI-t
Në vijim të deklaratës së Drejtorisë Vendore të Policisë së Korçës, për finalizimin e operacionit “Restart”, me arrrestimin e 3 shtetasve, ndër të cilët dhe znj. Erisa Fero, AKSHI njofton se: bazuar në legjislacionin shqiptar në fuqi (Kodi i Punës), ka nisur menjëherë procedurën për shkarkimin nga puna të këtij personi.
Znj. Erisa Fero, ishte punonjëse pranë sektorit përkatës të e-Albania, në nivelin Specialiste.
Agjencia Kombëtare e Shoqërisë së Informacionit, dënon çdo akt të kundra ligjshëm dhe siguron se do të jetë gjithmonë mbështetës në proceset e institucioneve që veprojnë në mbrojtje të ligjit.
