Një tjetër skandal ka pasur AKSHI-n këtë të enjte, ku një punonjëse e këtij institucioni është kapur teksa transportonte një sasi prej 58 kg hashash. Pas patronazhistëve, hakerimeve nga Irani, ditë pas dite po provohen pika të dobëta bashkë me të palarat e këtij institucioni të cilit i janë besuar informacionet më të rëndësishme të shqiptarëve që dolën në shesh, si dhe një sasi e madhe e fondeve nga buxheti i shtetit. Analiza e gazetarit Klodian Tomorri tregon më së miri gjendjen e këtij institucioni ‘strategjik’, icili është pompuar nga pushteti si një arritje e madhe.
Nga Klodian Tomorri
Përfundimisht tashmë është e faktuar se AKSHI është organizatë e strukturuar kriminale.
Me definicion ndërkombëtar, organizatë e strukturuar kriminale quhesh kur ke më shumë se tre anëtarë që kryejnë veprimtari kriminale.
Tek AKSHI qenka fole. Aty paska spaçatorë, trafikantë, zhvatës, mashtrues. Dy i kapen dje.
Një i tretë në nivele shumë të larta ka rënë në rrjetën e prokurorisë dhe po e mënjanojnë me lezet.
Vrasës nuk kanë zbuluar akoma deri tani, por ka kohë edhe për këtë.
Hajde se me shpresë do gjejnë dhe ndonjë zyrtar normal, që nuk merret me trafik apo zhvatje aty brenda. Dhe respekt për këdo që është ashtu.
Por një rekord e kanë vendosur ndërkohë. Janë organizata e parë që ka në përbërje trafikantë ndërkombëtarë, që janë certifikuar me certifikatë antikorrupsion 800 milionë lekëshe.
