Mbrëmjen e sotme “Stop” ka publikuar dëshmin e një punonjësi call centeri, i cili është ankuar se 40 mijë lekët, që shteti ua jep si ndihmë punonjësve, kërkon t’i marrë administratori i kompanisë.
Por, jo vetëm kaq.
Gjatë pandemisë ai ka zbuluar se nuk ishte i siguruar dhe nga ana tjetër ai tregon se call centeri nuk është mbyllur dhe operatorët kanë punuar nga shtëpia.
Pas kontakteve të emisionit me administratorin Juvenil Spahiu, ky i fundit tha se ndonjë punonjës me pak orë mund të ketë qenë i pasiguruar, ndërsa sa i përket 40 mijë lekëshit, kjo sipas tij, është një plus për biznesin.
Administratori: Unë ju kam thënë shprehimisht. Ju e keni emrin, sepse është lista, mua më ka ardhur e gatshme nga tatimet, nuk është se e kam përgatit unë. Këto emrat, që janë normalisht, unë kam çuar Iban-in, adresën e emailit dhe një numër kontakti. Në rast se do të miratohet paga, që unë nuk e kam në dorë, ju ka shkuar dhe emaili, po ju dha qeveria, mirë. Po nuk ju dha qeveria 400 mijë lekshin, çdo orë pune, që keni punuar tek unë, hajdeni merreni. Kjo paga e luftës, që i kanë vënë emrin, është një ndihmë, që i jepet bizneseve për të paguar punonjësit, që janë ose të mbyllur, sepse unë realisht tani jam i mbyllur, nuk është se po punoj.
Gazetarja: Je duke ofruar shërbim, praktikisht punonjësit po punojnë nga shtëpitë.
Administratori: Ose që janë të mbyllur ose që janë në vështirësi ekonomike. Unë po them, që s’jam i mbyllur, se okej paskam ofruar ca shërbime edhe nga shtëpia.
Gazetarja: Në qoftë se Domenika ka punuar për vlerën 400 mijë lekë, ti si biznes nuk të lind detyrimi, që të paguash këtë punëtor, sepse e mbulon shteti, kjo është ajo?
Administratori: Po,po! Llogjika kjo është! Pjesa tjetër, që është, se unë nuk i paskam deklaru, e i kam deklaru është e rreme.
Gazetarja: Ju thoni, që nuk keni patur punëtorë të padeklaruar?
Administratori: Është vetëm një rast, në të cilin një person, që vjen sot dhe thotë “po do vij”, vjen 2 orë e ik, sepse unë nuk i mbaj me zor në punë,vjen një orë e ik. Më thuaj si ta siguroj?
Gazetarja: Part-time.
Inspektoratin dhe grupi i punës pas kontaktit me administratorin u shpreh se kompanisë në fjalë nuk i takon paga 400 mijë lekëshe, por administratori, edhe pse ka qenë në dijeni, ka dorëzuar listat në tatime, për të përfituar shpërblimin e qeverisë.
