Vrasja e Jurgen Kurtit mbrëmjen e 18 marsit tronditi opinionin publik shqiptar, ndërsa tani mësohet se Prokuroria dhe Policia e Tiranës po hetojnë në dy pista.
Një nga pistat, sipas burimeve të organit të akuzës për gazetën “Shqiptarja.com”, lidhet me përfshirjen e 26-vjeçarit në fajde.
Vjehrri i viktimës mësohet se jepte para me fajde, ndërsa Jurgeni negocionte dhe kërcënonte borxhlinjtë për kthimin e shumave të parave, që i kishin marrë babait të të fejuarës së tij, Kostandin Ekonomit.
Pista e dytë lidhet me atë të hakmarrjes për vrasjen e biznesmenit në Durrës 2 vite më parë, Agim Arapit, ku u përfshi 26-vjeçari bashkë me dy vëllezërit Kostandin dhe Kujtim Ekonomi.
Jurgen Kurti u qëllua për vdekje mbrëmjen e së hënës në hyrje të pallatit ku banonte, ndërsa në vendngjarje u gjetën 16 gëzhoja.
Burimi: Shqiptarja.com
