Ditën e djeshme presidenti i Turqisë Erdogan ishte në nje vizitë zyrtare në Shqipëri.
Ndërkohë një ditë më pas presidenti turk, Rexhep Tajip Erdogan ka publikuar në rrjete sociale një fotogaleri nga vizita e tij në Shqipëri.
Mbi fotot e publikuar, ku është kolazh e të gjitha momenteve që lideri turk kaloi në vendin tonë, ai shkruan:
“Faleminderit Shqipëri, ju duam juve!”.
Kujtojmë që presidenti turk, e nisi vizitën e tij në Shqipëri në qytetin e Laçit, ku inauguroi 522 banesat e ndërtuara me financim turk.
Ai dënoj më tej organizatën FETO, tentakulat e së cilës sipas tij janë shtirë edhe në Shqipëri. Këtë vizitë zyrtare, presidenti turk e përmbylli me vizitën në përurimin e Xhamisë së Et’hem Beut, të restaurar nga Agjencia Turke për Bashkëpunim dhe Bashkërendim. Ai u prit në sheshin “Skënderbej” nga qindra simpantizantë, të Shqipërisë, Kosovës dhe Maqedonisë së Veriut.
Presidenti turk sqaroi marrëdhënien e tij të ngushtë me kryeministrin Edi Rama, duke garantuar se asgjë nuk fshihet pas kësaj miqësie.
“Miqësia, rregullat e vëllazërisë janë të ndryshme pasi brenda vëllazërisë ka lloj-lloj mbështetjesh. Ka marrëdhënie dy palëshe. Po flasim për një situatë për rastin pas tërmetit. Prandaj ne ndërtuam këtë projekt në mënyrë të shpejtë. Ne jemi vëllezër. Asnjëherë nuk duhet ta vini në dyshim”.
Por a duhet të shqetësohet Bashkimi Europian për marrëdhënien e ngushta, Shqipëri-Turqi?
“Jam katolik, gjysmën më të mirë e kam myslimane por nuk besoj se kushdo qoftë në Shqipëri apo BE duhet të shqetësohet për këtë marrëdhënie mes dy vendeve sepse kjo është një marrëdhënie tradicionale edhe në kohën kur Shqipëria ishte një vend shumë i mbyllur, marrëdhënia me Turqinë ishte aty si një vazhdimësi e një tradite.”
