Teksa çmimi i naftës në Shqipëri kap vlera të papërballeushme dhe Bordi merr vendime aspak në përrputhje me bursën, deputeti i Partisë së Lirisë nxjerr blof qeverinë. Petrit Vasili ka publikuar faturën nga një karburant në vendin tonë fqinj, Malin e Zi, ku nafta kushton 30% më pak se në Shqipëri. Vasili shkruan se Në Mal të Zi nafta kushton vetëm 1.48 euro litri ose rreth 171 lekë litri, ndërsa në Shqipëri kushton plot 2.1 euro litri ose 245 lekë litri.
Ai thekson se qytetarët po vidhen në mënyrën më të pacipë nga Bordi i hajdutëve qeveri-oligarkë. Vlen të theksojmë se para 2 ditësh Bordi i Transparencës në vendin tonë doli me një vendim të ri duke e rritur naftën me 22 lekë, pra konkretisht duke vendosur si çmim ‘tavan’ vlerën 245 lekë për litër.
Ndërkohë që prej disa javësh çmimi i naftës në bursë është ulur ndjeshëm dhe po qëndron 95 USD/FUÇIA. Kjo shifër llogjikisht duhet të sillte një çmim më të ulët në vendin tonë, por kjo nuk ndodh në rastet kur Bordi është i përbërë nga oligarkë që kanë për qëllim të maksimizojnë interesat e tyre.
POSTIMI I PLOTË I VASILIT:
SKANDALI me çmimin e naftës, Mali i Zi vetëm 1.48 euro/ litër Shqipëria 2.1 euro!(Foto).
Dëshmi tronditëse për hajdutërinë e pashpirt të qeverisë së Edi Ramës.
Në Mal të Zi nafta kushton vetëm 1.48 euro litri ose rreth 171 lekë litri.
Kur në Shqipëri kushton plot 2.1 euro litri ose 245 lekë litri.
Pra në Shqipëri kushton 30% me shume se ne Mal te Zi.
Qytetarët po vidhen në mënyrën më të pacipë nga Bordi i hajdutëve Qeveri- Oligarkë.
Boll vodhët!
Hiqni Taksat dhe zhdukni Bordin!!!
P.S Foto e kuponit në një pikë karburanti në Mal të Zi.
