Pak ditë pas mbërritjes së koronavirusit në vend, spitali “Shefqet Ndroqi” u kthye në një spital Covid, për shtimin e pacientëve që ishin në gjendje të rëndë, kurse të shtruarit në këtë spital u transportuan në Elbasan.
Së fundmi, ish-deputeti i PD-së, Bardh Spahia ka akuzuar qeverinë për kaosin krijuar në sistemin shëndetësor, pasi sipas tij i ka sjellë vdekjen një djali 30 vjeçar.
“Një djalë i ri 30 vjeçar ndërroi jetë para pak ditësh në spitalin e improvizuar në Elbasan, i cili ka zëvendësuar të pazëvendësueshmin Sanatorium. Jeta e tij shkoi dëm vetëm për shkak të kaosit të krijuar nga keqmenaxhimi i situatës me sistemin shëndetësor publik. Sanatoriumi ka dalë jashtë funksionit, duke u izoluar si spital COVID për 5 qytetarë, spitalet e tjera janë ose në çoroditje, ose në mbingarkesë urgjencash.- shkruan Spahia në Facebook.
Ai shkruan se denoncimin e ka bërë një infermiere, që shkruan se i riu i është nënshtruar në operacioni për apendicit në Tiranë, dhe më pas është transportuar sërish në Elbasan, ku ka ndërruar jetë një ditë më vonë nga tromboza.
MESAZHI I ISH-DEPUTETIT
Një djalë i ri 30 vjeçar ndërroi jetë para pak ditësh në spitalin e improvizuar në Elbasan, i cili ka zëvendësuar të pazëvendësueshmin Sanatorium. Jeta e tij shkoi dëm vetem për shkak të kaosit të krijuar nga keqmenaxhimi i situatës me sistemin shëndetësor publik. Sanatoriumi ka dalë jashtë funksionit, duke u izoluar si spital COVID për 5 qytetarë, spitalet e tjera janë ose në çoroditje, ose në mbingarkesë urgjencash.
Denoncimi më poshtë tregon kalvarin 24 orësh Elbasan – Tiranë- Elbasan të të riut me turbekuloz, që humbi jetën. Është fare e qartë se improvizimi skandaloz me transferimin në Elbasan të pacientëve të Sanatoriumit të Tiranës po kushton jetë! Ky denoncim tregon sesa na kushton paaftësia e Ministrisë së Shëndetësisë, arroganca për të këmbëngulur në këtë paaftësi. Na tregon sesi cirku i pacientëve sa në Tiranë dhe Elbasan rezulton me pasoja fatale! Zonja Ministre e Shëndetësisë, heshtja juaj nuk i mbulon dot me harresë këto denoncime! Bëhet fjalë për jetë njerëzish dhe jo për video të marketingut politik, me të cilat mbush i facebook-un tuaj dhe të shefit tuaj.
https://www.facebook.com/permalink.php?story_fbid=2606470156347035&id=100009522289777
