Lionel Messi është pritur sërish në mënyrë madhështore nga tifozët e Paris Saint-German, të cilët këtë herë kishin mbushur stadiumin Parc des Princes. PSG prezantoi yjet që ka afruar në ekip këtë merkato Hakimi, Wijnaldum, Donnarumma dhe Sergio Ramos, në prag të ndeshjes së Ligue 1 kundër Strasburgut. Messi nuk debutoi këtë javë pasi ka vetëm disa seanca stërvitore në këmbë.
Argjentinasi tashmë ka këngën e tij që ka monopolizuar ngjarjen, në të cilën pesë protagonistët u kanë drejtuar disa fjalë ndjekësve të tyre të rinj. “Mirëmbrëma. Kjo javë ka qenë shumë e veçantë për mua. Faleminderit të gjithëve. Jam shumë i lumtur me këtë hap të ri. Shpresoj të shijoj këtë sezon të bukur, mezi pres!”- tha lojtari.
PSG firmosi me Messin në 10 gusht, disa ditë pasi u njoftua largimi i tij nga Barcelona. Klubi nuk pagoi asnjë qindarkë për ish-numrin 10 të katalanasve, pasi Messi ishte tashmë një lojtar i lirë nga nga 30 qershori i këtij viti.
Më herët parizienër kishin firnosur edhe me Sergio Ramos, Gigi Donnarumma, dhe Georgino Wijnaldum, të cilët u afruan si lojtarë të lirë. I vetmi fubollist për të cilin PSG ka shpenzuar këtë merkato është Achrif Hakimi, që u transferua në Paris nga Interi.
