Rusia mund të ndezë tensionet në rajonin e Ballkanit dhe të krijojë një luftë të re. Kështu pretendon kryediplomatja e Kosovës, Donika Gërvalla në një intervistë që ka dhënë për “NatSec Daily“. Në një intervistë në ambasadën e Kosovës përballë Katedrales Kombëtare në Uashington, Donika Gërvalla-Schëarz paralajmëroi se ambiciet territoriale të presidentit rus Vladimir Putin nuk ndalen në kufirin ukrainas.
“Strategjia e Putinit është të mbajë Perëndimin të hutuar me konflikte të ndryshme. Pra, një luftë tjetër në Ballkan do të ishte shumë e mirëpritur nga Rusia,”-tha ajo.
Kosova në veçanti është një objektiv tërheqës për Putinin, sepse prosperiteti i vendit minon argumentin se Perëndimi nuk mund të ndihmojë vendet e ish-bllokut lindor. NATO dhe Uashingtoni kërkojnë që të mos ketë më dhunë në këtë rajon, pas rënies së Jugosllavisë në vitin 1990.
Putini flet çdo javë për Kosovën. Nuk ka të bëjë me rëndësinë gjeopolitike të Kosovës, por ka të bëjë me faktin se Kosova është një histori suksesi e Perëndimit, një histori suksesi e Shteteve të Bashkuara të Amerikës, është një histori suksesi e NATO-s, një histori suksesi e perëndimit evropian,“-shtoi ajo.
Paralajmërimi i Gërvalla-Schëarz vjen pasi kombet e tjera evropiane që ndodhen në”oborrin” e Rusisë kanë shprehur publikisht shqetësimet e tyre për agresionin në rritje të Putinit ndaj tyre. Javën e kaluar, Suedia tha se Putin kishte hedhur sytë nga ishulli i rëndësishëm strategjik balltik të Gotland. Kryeministri finlandez Petteri Orpo paralajmëroi se Rusia tashmë po sulmon fqinjët e saj duke përdorur taktika hibride.
Dhe Bashkimi Evropian gjithashtu dënoi Rusinë për heqjen e bombave që përcaktojnë kufirin e saj lumor me Estoninë.
Në të njëjtën kohë, qeveria e ekstremit të djathtë të Serbisë po afrohet më shumë me Moskën dhe po promovon mohimin e gjenocidit në Bosnjë-Herzegovinë. Beogradi nisi një fushatë lobimi për të provuar rrëzimin e një rezolute të OKB-së që kujtonte masakrën e 8,000 burrave dhe djemve boshnjakë në qytetin e Srebrenicës në vitin 1995, një nga mizoritë më famëkeqe të Luftërave Ballkanike. Rezoluta përfundimisht kaloi në asamblenë e përgjithshme javën e kaluar.
Të dyja anët e Atlantikut janë shqetësuar se Serbia mund të përpiqet të rimarrë Kosovën, pasi presidenti i vendit Aleksandër Vuçiç flirton me retorikën për një “Serbi të madhe” që përfshin Serbinë, Kosovën dhe Bosnje-Hercegovinën. Përleshjet e para mes palëve ndodhën në kufirin verior të Kosovës në shtator. Serbia dhe Rusia, nga ana e tyre, kanë mohuar akuzat e Kosovës dhe thonë se janë të përkushtuara për zgjidhjen e tensioneve në mënyrë paqësore. Ambasada e Serbisë në Uashington tha në një deklaratë për NatSec Daily “disa aktorë në rajon po përpiqen të krijojnë një narrativë të pavërtetë për të ndjekur interesat e tyre politike” dhe tha se Serbia është e vendosur kundër çdo konflikti rajonal.
Ambasada ruse në Uashington nuk iu përgjigj kërkesave të NatSec Daily për koment.
