Dy persona janë konfliktuar me njëri-tjetrin mesditën e sotme në Vloçisht të Korçës.
Konflikti midis dy të rinjve ka ndodhur për shkak të një parakalimi të gabuar.
Dy të rinjtë kanë dhunuar njëri-tjetrin me leva, duke marrë edhe dëmtime serioze.
Mësohet se shtetasi E.M, 32 vjeç ka marrë dëmtime të rënda në kokë dhe ndodhet në reanimacion në gjendje të rëndë.
Ndërsa personi tjetër, B., R 34 vjeç me profesion infermier ka marrë plagë të lehta dhe ndodhet jashtë rrezikut për jetën.
Njoftimi i policisë:
Më datë 09.06.2020, në afërsi të kryqëzimit të fshatit Libonik, gjatë një konflikti për motive të dobëta janë dëmtuar me mjete të forta shtetasit B. R., 34 vjeç dhe E. M., 35 vjeç, banues në fshatin Symiz, Maliq, të cilët u dërguan për mjekim në Spital.
Grupi hetimor po kryen veprimet proceduriale dhe po punon për të zbardhur rrethanat e ngjarjes.
