Pas miratimit të rregullores së re për përjashtimin nga 30-60 ditë të deputetëve që bllokojnë seancën plenare, që u miratua na deputetët e PS-së, ka ardhur reagimi i deputetit demokrat, Gazment Bardhi.
Në një dalje për mediat ai tha se maxhoranca po ashpërson dënimet ndaj deputetëve që janë zgjedhur nga populli. Ai siguroi që opozita këtë çështje do e çojë në në Gjykatën Kushtetuese.
Ndër të tjera, Bardhi tha se opozita nuk do iu bindet këtyre rregullave të vendosura nga Rama dhe regjimi i tij, siç e quan dhe ai vetë.
“Sot e patë që Kuvendi ashtu siç në fakt këto dy muaj është salla e rojeve të Edi Ramës. Si çdo regjim edhe Edi Rama ka nevojë për forca sigurie. Sot në një atentat të vërtetë të parlamentarizmit është miratuar në mënyrë të njëanshme të setit të rregullave të bashkëjetesës në Parlament. Ndryshimi do të dërgohet në Gjykatën Kushtetuese. Ne nuk e njohim dhe nuk do t’i bindemi atyre rregullave me të cilat nuk kemi rënë dakord”, tha Bardhi.
