PS nis fushatën për votat e diasporës. Sekretari i PS-së, Taulant Balla ka bërë thirrje që emigrantët të regjistrohen në e-Albania. Komisioni Qendror i Zgjedhje, për të krijuar regjistrin e shqiptarëve që jetojnë jashtë, ka menduar si zgjedhjen më të lehtë portalin qeveritar e-Albania.
“Nga aspekti legjislativ nuk ka më pengesa për votën e shqiptarëve që jetojnë jashtë territorit. Ata mund të votojnë, por duhet paraprakisht të regjistrohen”, deklaron Taulant Balla.
Ai nuk e mohon që nëse emigrantët nuk regjistrojnë adresat e tyre në e-Albania mund të privohen nga shërbimet e tjera të shtetit shqiptar.
“Ne shqiptarët po nuk kemi ca rregulla, nuk i respektojmë fare”, shpjegoi Balla.
Shqipëria ka pothuajse zero shanse për të marrë një përgjigje pozitive për negociatat nga vendet e BE këtë fundvit.Balla ka folur edhe për refuzimin e BE-së për të hapur negociatat me Shqipërinë.
“Nuk ka një konsensus brenda 27 të anëtarëve të BE. Shqipëria në ditët në vijim do të ketë anëtarë të rinj të Gjykatës Kushtetuese dhe Shqipëria do të ketë një ligj për mediat.”, tha balla lidhur me kushtet e paplotësuara.
Marsi i vitit 2021 duhet të jetë objektivi tjetër i qeverisë shqiptare që të ketë një Gjykatë Kushtetuese, të Lartë dhe ligjin e medias të pakontestueshëm, me qëllimin e vetëm për të bindur vendet skeptike ndaj Shqipërisë.
/GazetaReforma.com/
