Shtohen zërat në PS që janë pro legalizimit të kanabisit. Një nga këta është deputeti socialist Alket Hyseni. Ai thotë se duhet të hapim sytë dhe të shikojmë tredin botëror duke qenë pro legalizimit dhe nëse realizohet, ai tha se do të ndikojë në ekonomi.
“Duhet të hapim sytë dhe të shikojmë trendin botëror. Marijuana është e ndaluar dhe do të vijojë që të jetë. Por cili është trendi? Është drejt legalizimit. Por nuk janë pjekur disa kushte, mentaliteti i shoqërisë sonë, për të edukuar veten drejt masave të caktuara. Mund të ketë një ndikim në ekonomi, edhe nëse do të legalizohet do të jepen disa licenca në varësi të territorit dhe kompanive.
“Ka legalizim për qëllime mjekësore dhe rekreative, për këtë të dytën nuk jemi gati. Nuk besoj që edhe po e legalizuam do të jemi Holanda, do të jetë për prodhim farmaceutik, nuk ka lidhje fare me publikun dhe përdoruesin. Kur e ka filluar Shqipëria këtë gjë për qëllime fitimi bota e kishte kaluar në nivele sipërore procesin. Ky është një fenomen negativ si alkooli, që dikur ka qenë i ndaluar. Kryeministri ka hedhur dorezën për një debat publik për legalizimin për arsye mjekësore. Sado pak ndikon në ekonomi.
“Nëse ke kontaktet e duhura me kompanitë mund të jetë një treg serioz. Maqedonia nuk e diskuton nivelin e 100 mln, sido që të jetë është një treg global dhe i kërkueshëm,” përfundoi Hyseni.
Pak kohë më parë kryemnistri Rama është shprehur se po e shqyrtojnë mundësinë e legalizimit të kanabisit.
/GazetaReforma.com/
