Pandemia e Covid-19 është shfrytëzuar nga shumë liderë, kryesisht të vendeve të vogla, për të shuar edhe zërat kundër që janë.
Kjo është faktuar edhe nga raporte të agjencive ndërkombëtare për lirinë e fjalës, veçanërisht për vendet e vogla dhe ato në zhvillim, me demokraci ende jo të konsoliduara.
Diçka e tillë po vihet re akoma më shumë edhe në Shqipëri. Zërat kundër qeverisë, ndalohen menjëherë sapo tentojnë të nisin. Kujtojmë pak kohë më parë, protestën që naftëtarët e Ballshit mbajtën në Tiranë, përpara Ministrisë së Energjitikës, por u shpartallua nga policia, me arsyen se nuk lejohen grumbullimet në kohë pandemie.
Tjetër rast, ishte dhe pak ditë më parë, ku disa anëtarë të shoqërisë civile u mblodhën për të protestuar për vendimin e mbajtjes së maskës me detyrim edhe në ambientet e jashtme. Por, policia e Sandër Lleshajt shkoi brenda pak minutave, për ta shuar, me arsyetimin se nuk lejohen grumbullimet.
Çfarë ndodh me socialistët?
Por, socialistët duket se janë të privilegjuar nga këto vendime, dhe vazhdojnë të pashqetësuar grumbullimet e tyre. Fushata e PS ka nisur që tani, dhe Erion Veliaj i ka të përditshme grumbullimet dhe mitingjet me qindra socialistë.
Ditën e djeshme, më 18 tetor 2020, ata ishin në Petrelë, ku duket qartë sa shumë ishin mbledhur, ndërkohë që Policia nuk shkoi t’i shpërndante, siç bën përherë me protestuesit.
/GazetaReforma.com/
