Protesta e opozitës kundër qeverisë Rama është në hapat e parë teksa protestuesit kanë mbërritur ngë rrethet në Tiranë dhe kanë nisur marshimin drejt kryeministrisë.
Vetëm pak minuta më parë, kreu i Partisë Demokratike Lulzim Basha ka dalë nga selia e partisë i rrethuar nga simpatizantët e tij. Siç është bërë e ditur dhe më parë, nuk do të ketë fjalime nga drejtuesit e partive politike por vetëm nga njerëzit e thjeshtë që do të flasin për problemet e tyre.
Mësohet se protestën do ta hapë një vajzë e re nga Shkodra e cila do të mbajë një fjalim. Sakaq, godina e kryeministrisë është blinduar nga efektivë të policisë, të cilët janë vetëm meshkuj, pasi dyshohet se protesta mund të bëhet e dhunshme.
Në momentet e para të nisjes së protestës, disa të rinj u janë afruar efektivëve që kanë formuar kordon rreth kryeministrisë për t’u dhuruar lule, që nuk janë pranuar nga policët. Janë rreth 1300 policë që janë në gatishmëri, ndërkohë që PD ka bërë të ditur se kanë mbërrtitur rreth 50 mijë qytetarë.
Burimi: Balkanweb
