Protestuan kundër HEC-it në Mirditë, policia arreston rreth 20 persona

Me banorët në protestë janë bashkuar edhe organizata për mbrojtjen e mjedisit dhe deputetë e aktivistë të Lëvizjes Vetëvendosje. Ata u bënë bashkë tek tuneli i Thirrës e më pas janë nisur drejt kanitereve.

Më pas protesta ka vazhduar në rrugën e Kombit, ku në hyrje të tunelit protestuesit janë përplasur me policinë dhe aritën të thyejnë kordonin duke bllokuar për disa minuta rrugën në korsinë drejt Kukësit.

Pas protestës janë shoqëruar në polici rreth 20 persona, ndërsa mes tyre ka qenë edhe një gazetar.

Banorët janë shfaqur të vendosur për ndalimin e projekteve që do të shkatërrojnë zonën. Presionet dhe kërcënimet ndaj tyre, nga ana e kocesionarit dhe pushtetit vendor kanë qenë të shumta. Për më tepër, bënorët kanë depozituar edhe kallëzim penal për falsifikimin e firmave të tyre pro ndërtimit të HEC-it. Në 10 ditët e fundit kjo është protesta e dytë për banorët e fshatrave Sang dhe Thirrë, ndërsa edhe Lëvizja Vetëvendosje ka dalë në mbështetje të tyre, duke kërkuar anulimin e projekteve.