Ditën e sotme naftëtarët e përpunimit të Uzinës së Naftës në Ballsh kanë dalur në një tubim përapara uzinës, ndërkohë që bëjnë thirrje që të merret në konsideratë situata e tyre dhe t’i jepet një zgjidhje.
Kujtojmë që ka kaluar një vit nga protestat enjëpasnjëshme që naftëtarët bënin, dhe kryeministri Rama e zgjidhi situatën e tyre përkohësisht duke iu mundësuar një pagë mujore të plotë për një vit.
Por banorët shprehen se ato e kanë marrë pagën e tyre të 12 dhe janë në fazën qe nuk dinë se çfarë do bëhet për punësimin e tyre. Kryetari i Sindikatës së naftëtarëve, Sokol Dautaj i bëri thirrje dhe deputetëve të opozitës që të flasë për këtë çështje, ndërsa theksoi se kujtohen vetëm kur ka zgjedhje.
“Ende nuk ka nje përgjigje për fatin e uzinës. Ka kaluar nje vit. Paga e 12 është dhënë. Nuk ka asnjë vendim nga zoti kryeministër. Kishim shpresuar për një zgjidhje në kohe të shkurtër. Nuk kemi pasur kontakte me askënd edhe pse shpresonim zgjidhje në kohe të shkurtër. Paralel me rifilllimin e punes eshte edhe gjyqi që ne e kemi çuar në SPAK ne tetorin e vitit te kaluar, pranë krimit ekonomik dhe ne prokurorinë e Fierit. Janë rreth 340 vetë me gjyq dhe ndoshta duan që ky gjyq të shtyhet. Ne jemi me opsionin e rifillimit të punës të edhe pse është hedhur te edhe ideja e demontimit.
Duhet të flasin edhe deputetet e opozitës. Kur vijnë për vota sulen tek naftëtarët. Shpresojmë të ketë zgjidhje sa me pare se veç rafinerise nuk ka asnjë mundësi tjetër.”, tha Dautaj.
