Shtetet e Bashkuara kanë filluar sanksionet e para ndaj Kubës dhe konkretisht ndaj ministrit kuban të sigurisë dhe një njësie të forcave speciale të ministrisë së brendshme. Sanksionet vijnë për abuzime të pretenduara të të drejtave të njeriut në një goditje të protestave anti-qeveritare më parë këtë muaj.
Masa shënoi hapat e parë konkretë nga administrata e Presidentit Joe Biden për të ushtruar presion mbi qeverinë Komuniste të Kubës pasi ajo përballet me thirrje nga ligjvënësit amerikanë dhe komuniteti Kubano-Amerikan për të treguar mbështetje më të madhe për protestat më të mëdha që goditën ishullin në dekada.
Shpejtësia me të cilën administrata ka hartuar sanksione të reja sinjalizon se edhe më tej Biden nuk ka shumë të ngjarë të zbusë qasjen e SHBA-ve ndaj Kubës së shpejti pasi paraardhësi i tij, Donald Trump, riktheu një arritje historike të epokës së Obamës me Havana.
“Ky është vetëm fillimi. Shtetet e Bashkuara do të vazhdojnë të sanksionojnë individët përgjegjës për shtypjen e popullit Kuban”, tha Biden në një deklaratë, duke shprehur dënimin për arrestimet masive dhe gjykimet e falsifikuara.
Ministri i Jashtëm Kuban Bruno Rodriguez, në një mesazh në Tëitter, hodhi poshtë sanksionet si “të pabazuara dhe të shpifura” dhe u kërkoi Shteteve të Bashkuara të zbatonin masa të tilla në rekordin e tyre të “shtypjes së përditshme dhe brutalitetit të politikës”.
Kujtojmë që Kuba është përfshirë prej protestave masive prej gati dy javësh, teksa vendi përballet me një krizë ekonomike dhe pandemia e Covid-19 ka njohur rritjen më të madhe të rasteve gjatë javëve të fundit. Protestuesit kërkojnë më shumë liri dhe të drejta civile, ndërsa qeveria kubane ia ka hedhur fajin bllokadës amerikane për mungesën e ushqimeve dhe medikamenteve.
