Nis hetimi nga ana e prokurorisë për padinë e datës 18 mars që Partia Demokratike ka depozitur kundër Ministrit të Brendshëm, Sandër Lleshaj dhe Policisë së Shtetit.
Ka qenë sekretari i përgjithshëm i partisë, Gazmend Bardhi ai që ka bërë padinë, ku akuza është për veprime në shkelje të ligjit.
Si Ministri i Brendshëm ashtu edhe Policia sipas PD-së kanë shpërdorua detyrën dhe kanë kryer veprime në shkelje me ligjin në protestat e zhvilluara nga data 16 shkurt deri në datën 16 mars.
Sipas Ballkanvveb, arsyeja pse kjo parti ka shkuar deri në bërjen e një padie është sepse e konsideron shkelje të ligjit përdorimin e gazit lotsjellës dhe ujit me presion për të shpërndarë protestuesit, pasi qëllimi nuk është zbatimi i ligjit, por ndërprerja e protestës.
Tashmë padia ka shkuar në dorën e prokurorisë dhe shumë shpejt pritet të nisin hetimet mbi veprimet e policisë gjatë protestave, mirëpo për të dhënë sqarime rreth ngjarjeve, organi i akuzës ka thirrur Bardhin, duke qenë se ka qenë edhe përsoni që e ka nisur padinë.
Tashmë Bardhi është thirru për t’u paraqitur ditën e hënë në orën 12:00 për Prokurorinë e Tiranës, pas thirrjes nga oficeri i policisë gjyqësore.
