Ish-kryeministri Sali Berisha në konferencë me gazetarët u shpreh se opozita do të nisë protestat e saj kundër qeverisë Rama. Ai tha se ende nuk ka një datë fikse se kur do të nisin këto protesta, madje as data 8 djetor siç u pretendua më pparë.
Berisha theksoi për gazetarët se në momentin kur protestat të nisin do të jenë në formën e mosbindjes civile, madje ai siguroi se protesta të tilla si ka parë më para Shqipëria.
“Nuk një vendim të tillë për datën 8 dhjetor, por protestat kur të fillojnë nuk do ndalojnë. Beteja pa kthim, që do të thotë nuk do ndalojnë. Nuk do jenë protesta të zakonshme, do jenë protesta të mosbindjes civile që Shqipëria nuk ka njohur deri në sot”, tha Sali Berisha.
Berisha tha se janë qytetarët që do të thonë fjalën e tyre dhe se do shprehin revoltën, për të cilën janë të frymëzuar dhe nga aksionet e njëpasnjëshme opozitare në Parlament.
“Parlamenti është bërë shembulli më i gjallë, më frymëzues, më magjepsës i të gjithë atyre që janë të vendosur të angazhohen në një betejë pa kthim për përmbysjen e këtij regjimi banditesk” tha Berisha.
