Ministrja e Infrastrukturës dhe Energjisë, Belinda Balluku, ka nënshkruar sot marrëveshjen e kontratës me kompaninë “Bechtel”, për fazën e parë të projektit për ndërtimin e hidrocentralit të Skavicës.
Gjatë fjalës së saj, Balluku e ka cilësuar këtë si një vepër me rëndësi të veçantë për sektorin elektro-energjetik shqiptar. Ministrja theksoi se ky HEC do të luajë një rol të rëndësishëm edhe për hidrocentralet e tjera ekzistuese në kaskadën e Drinit.
“Skavica është ndryshe nga hidrocentralet e tjerë sepse do të luajë rolin e një rregullatori për HEC ekzistuese. Do të rrisë me 20% prodhimin vendas, por do të rrisë kapacitete prodhuese edhe të Hec-et ekzistuese në kaskadën e Drinit. Është edhe për minimizimi e përmbytjeve në fushën e nën Shkodrës.
Do të ndjejmë menjëherë minimizimi i përmbytjeve dhe kontrolli i të gjithë shirave. Që në fillimet tona kemi qenë shumë të qartë dhe kompania e ka kuptuar. Për sa i përket impaktit social.
Bektel është zgjedhur edhe për shkak të eksperiencës që ka pasur në menaxhim. Është një nga kompanitë që di të menaxhojë më mirë se kushdo. Jemi besimplotë që gjithçka do të zgjidhet në të mirë të banorëve të zonës dhe qytetarëve të Shqipërisë,” u shpreh ndër të tjera Balluku. Banorët e zonës kanë më shumë se 1 vit që protestojnë për ndalimin e punimeve, por fjala e tyre ka rënë në vesh të shurdhër.
