Presidenti i ardhshëm i SHBA, Joe Biden, pas trazirave, protestave të dhunshme dhe kaosit që ndodhi në godinën e Kongresit amerikan ku po votohej rreth certifikimit të fitores së Biden, ka dalur në një konferencë të jashtëzakonshme për shtyp.
Biden i bëri thirrje Trumpit që të tërheqë protestuesit e dhunshëm dhe të dalë të mbrojë kushtetutën dhe vendin.
Presidenti i ardhshëm amerikan, Biden u shpreh se dita e sotme është një ditë e errët për SHBA-në, dhe se ajo çfarë po shohin njerëzit sot, nuk është Amerika.
Në fund ai i bëri thirrje paraardhësit të tij që t’i japë fund kësaj “lufte” dhe të tërhiqet.
“Presidenti Donald Trump duhet të dalë dhe t’i thotë protestuesëve që të tërhiqen. Të dalë të mbrojë kushtetutën dhe ligjin. Aty jashtë janë disa militantë, disa të mërzitur dhe të shtyrë për të dalë aty. Është një moment kaq i errët për historinë e Amerikës. Puna e tanishme dhe e mëpashme duhet të jetë nderi dhe respekti që kemi për vendin.
Politika jonë është të zgjidhim probleme dhe jo të ushtrj=ojmë urrejtje dhe kaos. Amerikë do të thotë respekt tolerancë, demokraci, këshgtu kemi qenë gjithmonë ne. Dita e sotme është e dhimbshme. Kjo tregon që demokracia është e brishtë dhe duhet ruajtur. Në televizor ka fëmijë që po shohin, gjithë bota po e sheh. Nuk duhet të japim këtë mesazh.
Amerika është shumë herë më e mirë se çfarë po shohim sot. Kjo që po ndodh sot më kujtojnë fjalët e Abraham Linkolnit. Nuk ka qenë asnjëherë diçka që s’mund ta bëjmë nëse jemi bashkë. Presidenti Trump dorëzohu. Zoti e bekoftë Amerikën”, deklaroi Joe Biden./Gazetareforma.com/
