Banorët e Laknasit janë ngritur në protestë ditën e sotme, për mbrojtjen e një zone të pyllëzuar pranë shtëpive të tyre.
Shkak është bërë leja e dhenë nga kryebashkiaku, Xhelal Mziu për Bledar Dacin, i cili ka planifikuar të ndërtojë një thertore.
I pranishëm në vendngjarje ishte edhe vëllai i pronarit të therotres, Ardian Daci.
Ai ka përdorur një gjuhë të ashpër ndaj protestueseve femra, duke i quajtur plaka të këqija.
Më tej Daci ka shtuar, se ai dhe vëllai i tij, kanë zbatuar të gjitha procedurat që ka shteti shqiptar, shkruan “Faxnews”
“Kemi bërë projekte. Çohen dy veta aty dhe bllokojnë punën.Ne kemi folur me banorët, me dy tre persona që nuk kanë pasur pretendime. Këtu nuk po ndërtohet një biznes.“- u shpreh Daci.
Gazetarja: Pse nuk vjen vetë pronari, Bledar Daci, por vini ju i vëllai?
“Do vijë nesër ai. Ne jemi në të drejtën tonë, sipas ligjit dhe kemi zbatuar të gjitha procedurat që ka shteti. Nga ish-kryetari e kemi marrë lejen. Kemi biseduar është në ligj. Është agroturizëm. Sipas letrave është 1.2 hektar. Kam biseduar me disa banorë, nxisin gratë që të bllokojnë punimet. Ne kemi folur hapur. Nuk fshihemi. Unë jam vetë prezent. Është e pavërtetë. Dalin dy tre plaka të kqija aty dhe ulen duke pengu” , u shpreh Ardian Daci.
