Protesta e sotme e opozitës e thirrur në mënyrë të rrufeshme ka pasur të pranishëm edhe krerët e partive të opozitës. Tre herë iu është drejtuar pasditen e sotme Lulzim Basha duke akuzuar kryeministrin Edi Rama se ka urdhëruar sulmin me lëndë kimike ndaj fëmijëve, motrave, grave dhe nënave. Konkretisht Basha ka thënë se “Rama i ka shpallur luftë qytetarëve”.
“Sot Rama ka urdhëruar një akt të pa ndodhur më parë, sulmin me lëndë kimike ndaj fëmijëve, motrave, grave dhe nënave, grave shtatzëna, në të drejtën legjitime në protestën kundër kuvendit të krimit. Sot Rama i ka shpallur luftë qytetarëve të vet. Në emër të PD-së, dhe opozitës dhe shqiptarëve, i them Edi Ramës, se me këtë akte shpallje lufte të qytetarëve koston do ta kesh 100 % ti”, deklaroi Basha.
Sigurisht që një pesë të mirë të fjalimit të tij do ia kushtonte edhe heqjes së frikës nga ana e qytetarve, ku tha thënë se nuk ata nuk frikësohet edhe pse beteja që kanë nisur është pa kthim.
“Ne nuk frikësohemi, ne nuk ligështohemi sepse ne luftojmë për një kauzë të drejtë, për një mision të drejtë, për të ardhmen e shqiptarëve, ne luftojmë për lirinë e demokracinë, ne luftojmë për zgjedhje të lira e të ndershme.
Beteja që ka nisur është pa kthim dhe historia e gjatë e shkurtër e këtij vendi na rrëfen se si do të përfundojë kjo betejë, me shporrjen e krimit dhe triumfin e demokracisë e gjithë vlerave”, deklaroi Basha.
