Protesta e sotshme e opozitës që degjeneroi në dhunë teksa protestuesit tentuan të shkatërrojnë ambinetet e kryeministrisë dhe të futen në brendësi të saj, ka bërë jehonë në mbarë botën.
Disa prej mediave ndërkombëtare më prestigjioze si “Reuters”, “New York Times”, “Washington Post” etj. kanë transmetuar ngjarjet.
“Mijëra mbështetës të opozitës janë përplasur me policinë në një protestë anti-qeveritare për të protestuar atë që ata e quajnë një kabinet të korruptuar dhe joefiçent, duke kërkuar dorëeqje dhe zgjedhje të parakohshme.”-shkruan “Washington Post”.
Ndërkohë, “New York Times” tregon sesi protestuesit u munduan të shkatërronin strehën me neon në hyrje të kryeministrisë, një vepër arti për të cilën kryeministri ka dobësi.
