Ditën e martë, kur Kuvendi i Shqipërisë pritet të zhvillojë një seancë maratonë për miratimin e projektbuxhetit të vitit 2025, opozita ka njoftuar se do të protestojë.
Kreu i Partisë Demokratike, Sali Berisha, ka deklaruar se do të ketë mobilizim nga deputetët e opozitës brenda dhe jashtë Kuvendit, për të kundërshtuar disa aspekte të projektbuxhetit.
Në një deklaratë për mediat, Berisha theksoi se qëllimi kryesor i opozitës është të miratohet një amendament që vendos minimumin jetik në 200 euro për çdo shqiptar që ka një të ardhur më të ulët se ky shumëm dhe për ata që nuk kanë të ardhura fare. Sipas Berishës, ky amendament ka një rëndësi jetike për të ulur varfërinë dhe për të shmangur rritjen e mjerimit, veçanërisht për pensionistët shqiptarë, të cilët ndihen më shumë të prekur nga kushtet e vështira ekonomike.
“Ky është një hap i parë për të shuar ulërimat e sirenave të mjerimit dhe varfërisë që janë përhapur në të gjithë vendin,” – theksoi Berisha,.
