Ditën e sotme Ambasada amerikane në Tiranë ka bërë një njoftim para nisjes së protestës së ish-kryeministrit Sali Berisha. Në njoftimin zyrtar, kërkohet që të gjithë qytetarët amerikanë të mos kalojnë para Kryeministrisë, pasi situata mund të ndryshojë dhe të bëhet e rrezikshme.
“Qytetarët amerikanë këshillohen të shmangin çdo tubim të madh në qytet. Ndërsa shumë ngjarje të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit,”-shkruhet në njoftim.
NJOFTIMI I PLOTË:
Vendndodhja: Tiranë: Nga selia e Partisë Demokratike në Kryeministri
Data/Ora: E hënë, 20 dhjetor 2021, ora 16:00
Ngjarja: Është thirrur protesta për të hënën, më 20 dhjetor, duke filluar nga ora 16:00. Organizatorët e protestës kanë njoftuar se grumbullimi do të nisë në selinë e Partisë Demokratike dhe do të migrojë në afërsi të Kryeministrisë.
Qytetarët amerikanë këshillohen të shmangin çdo tubim të madh në qytet. Ndërsa shumë ngjarje të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit.
Veprimet për të ndërmarrë:
Shmangni tubimet e mëdha dhe çdo zonë ku demonstratat janë të pashmangshme ose në vazhdim.
Jini të vetëdijshëm për rrethinën tuaj.
Monitoroni mediat lokale për përditësime.
