Ditën e sotme ka nisur marshimi për protestën e 1 Majit nga sheshi “Skënderbej” drejt kryeministrisë.
Me pankarta ne duar protestuesit kërkojnë punë dhe paga të mira për të përballuar jetesën në Shqipëri.
Ndërkohë ka edhe nga ata emigrant të cilët i janë bashkuar protestës dhe kërkojnë që të votojnë për Shqipërinë, në shtetin ku jetojnë.
Njëri prej tyre u shpreh se është larguar që 16-vjeç dhe nuk ka votuar asnjëherë.
“Unë vi nga Anglia dhe për të kërkuar të drejtën e votës. Të jem i lirë të votoj nga ku jetoj, nuk e kanë të gjithë mundësinë që të vinë të jetojnë këtu. Unë nuk po them për veten timë, se kanë mundësi të gjithë emigrantët të vijnë”– u shpreh një prej tyre
“Vij nga Anglia dhe qëllmi është se jemi të pakënaqur dhe nuk kemi të drejtë të votojmë.e kam lënë Shqipërinë që moshën 16-vjeç, nuk kam votuar asnjëherë këtu dhe më shqetëson shumë. Vota e emigrantit do të bënte një ndryshim. Nuk duan që të votojmë”– tha një tjetër.
“Jam 80-vjeç. Jam shumë i revoltuar, cmime të papërballueshme, në asnjë shtet si ne. Kam punuar 40 vjet dhe kame marrë pension 120 mijë lekë pension. Qeveria bën sipas qejfit. Thotë kam ul cmimiet, por i ka rrit, miellin, bukën. Me shumë kursim me atë pension. Më keq se në kohën e Enver Hoxhës. Sa të ketë krejt përkrah gjykatën”– tha një i moshuar.
