Avokati Gylsen Zhllima ka ngritur shqetësime serioze për çështjen e pronës në Shqipëri, duke theksuar se problemi nis nga vetë qytetarët dhe mënyra se si ata mund të kontribuojnë në zgjidhjen e mbivendosjeve të pronave.
Ai ka kritikuar mungesën e zgjidhjeve efektive për këto probleme dhe ka theksuar se çështjet e pronës dhe drejtësisë janë të lidhura ngushtësisht me votën.
Zhllima ka apeluar për kujdesin e qytetarëve kur japin votat, duke theksuar se drejtësia është një çështje që ka të bëjë me përfaqësuesit ligjorë, të cilët duhet të mbajnë përgjegjësi për situatën.
Një tjetër shqetësim që ai ka ngritur është përdorimi i ligjit të legalizimit në fushatat politike, duke përmendur situatën në Himarë, ku ishin premtuar legalizime, por ato janë realizuar vetëm pjesërisht.
Sipas Zhllimës, ankimet e qytetarëve në Kadastër shpesh mbeten pa përgjigje, duke shtuar se qytetarët nuk duhet të presin vetëm nga administrata për zgjidhje, por duhet të drejtohen në gjykatë për të kërkuar drejtësi.
Problemi i pronës nis dhe nga ne si qytetarë, që përpiqemi të gjejmë mikun dhe kemi sot probleme me mbivendosjen mbi pronat. Sot nuk jepet zgjidhje për problemet e pronës. Prona dhe drejtësia kalon përmes votës. Ne si qytetarë duhet të kemi kujdes kur japim votën. Vota dhe drejtësia janë bashkë dhe ligjvënësit duhet t’ja tregojmë diçka që ai e ka harruar. Ligji i legalizimit është përdorur për fushatë. Është përdorur dhe po përdoret për fushatë ky ligj. Në Himarë u tha se do të jepen legalizimet, por se janë dhënë pjesërisht. “Ankimet” në Kadastër kryesisht janë pa përgjigje. Unë jam që të shkohet në gjykatë, se nuk mund të presim sa të zgjohen ata në Kadastër. Nuk kemi pse paguajmë për informacion në Kadastër, tha avokati.
