Prokuroria e Përgjithshme po kryen një verifikim për kryebashkiakun e Librazhdit, Kastriot Gurra.
Sektori i Dekriminalizimit i ka kërkuar të premten KQZ-së formularin e kryebashkiakut të Librazhdit, pasi dyshohet se ka gënjyer ose ka fshehur ngjarje nga e kaluara e tij.
Formulari i dorëzuar nga Kastriot Gurra nuk ka asnjë dënim, ndalim apo hetim të deklaruar.
Ende nuk dihen dyshimet apo indiciet që kanë nxitur prokurorinë të hetojë kryebashkiakun e Librazhdit, i cili po ushtron mandatin e dytë në krye të bashkisë.
Më herët prokuroria ka hetuar vetëm rastet e denoncuara publikisht nga PD, siç janë Valdrin Pjetri (i larguar), Agim Kajmaku (i shkarkuar), Qerim Ismailaj, Mark Babani, Agron Malaj.
Pak ditë më parë, sekretari i përgjithshëm i PD-së, Gazment Bardhi, paralajmëroi se ka gati dosjen për emrin e gjashtë, por nuk e tregoi se cili ishte.
