Prokuroria ka kërkuar 1 vit e 6 muaj burg për ish-deputetin e PD-së, Ervin Salianji për çështjen “Babale”.
Mirëpo ish-deputeti s’do të bëjë asnjë ditë burg, pasi dënimi do të konvertohet në 3 vite shërbim prove.
Për Albert Veliun, ose i njohur ndryshe si “Babalja”, prokurori Kolë Hysenaj ka kërkuar 3 vite e 6 muaj burg.
Veliu akuzohet për “Kallëzim të rremë” dhe “Kalim të paligjshëm të kufirit”.
Për Fredi Alizotin, i cili akuzohet se ka bërë zërin e Agron Xhafajt në audiopërgjimin fillestar, është kërkuar 3 vite burg.
Ndërsa për gazetarin Jetmir Olldashi organi i akuzës kërkoi 1 vit burg, që do të konvertohet në 200 orë punë të detyruar.
Prokuroria doli në konkluzionin se regjistrimet ku flitej për pazare droge nuk janë origjinale.
Seanca e radhës do të mbahet më 18 dhjetor, pasi avokatat kanë kërkuar kohë, për të përgatitur mbrojtjen.
Dosja “Babale” ishte një furtunë e vërtetë në politikën shqiptare.
Pak kohë pas publikimit të regjistrimit, ku vëllai i tij akuzohej për trafik droge, Fatmir Xhafaj dhe dorëheqjen nga posti i ministrit të Brendshëm.
Vëllai i ish-ministrit shkoi më pas në Itali, për të vuajtur dënimin.
Pas përfundimit të seancës, në një deklaratë për mediat, ish-deputeti Ervin Salianji, e quajti procesin politik ndërsa Prokurorinë pjesë të llumit.
