Prokuroria e Tiranës ka paraqitur sot pretencën për çështjen që përfshin Princ Lekën, Elia Zaharinë dhe babanë e saj, pas incidentit që u bë publik kur Princ Leka filmoi përplasjen e tij me Elian dhe ish-vjehrrin e tij.
Prokuroria ka kërkuar 6 muaj burg për Elia Zaharinë dhe 1 vit për babanë e saj, me mundësinë që dënimi t’iu konvertohet në shërbim prove, nëse shpallen fajtorë nga Gjykata.
Në një reagim publik, Elia Zaharia tha se nuk ka koment për çështjen që është në proces gjyqësor dhe theksoi se po e ndjek atë në heshtje.
Ajo u shpreh se ishte e angazhuar në Panairin e 27-të të Librit, ngjarjen më të madhe kulturore në vend, duke ftuar publikun të marrë pjesë dhe të vlerësojë rëndësinë e leximit. “Libri është miku më i mirë, të mundëson të jetosh shumë jetë,” tha Zaharia, duke nënvizuar rëndësinë e ngjarjes kulturore, ndërsa vazhdoi të ruajë një qëndrim të rezervuar për çështjen gjyqësore.
