Një profesor i lëndës së gjuhës angleze në shkollën “Xhemail Mustafa” në Prishtinë është pezulluar nga detyra pas një incidenti të rëndë, ku ai hodhi flamurin kombëtar shqiptar në koshin e plehrave gjatë një ore mësimi.
Dretoresha e Arsimit në komunën e Prishtinës, Jehona Lushaku-Sadriu, konfirmoi pezullimin e tij dhe e quajti veprimin si një shkelje të rëndë të respektit për simbolet kombëtare.
Ajo theksoi se ky incident është i papranueshëm dhe i dëmshëm për edukatën e brezit të ri dhe krenarinë kombëtare, duke shtuar se profesori do të përballet me pasojat ligjore për këtë sjellje.
Gjithashtu, ka dyshime se profesori mund të ketë përjashtuar nga ora një nxënëse që kishte ardhur në shkollë me plis në kokë dhe veshje me motive kombëtare shqiptare.
Në një reagim të drejtoreshës, ajo shprehu keqardhjen për incidentin dhe theksoi se Kosova, si shtet demokratik dhe laik, kërkon respekt të pakushtëzuar për simbolet kombëtare në çdo institucion. Ajo kërkoi që të qëndrohet të bashkuar në mbrojtje të simboleve kombëtare.
