Gjykata e Lartë e SHBA ka vendosur që Donald Trump mund të kërkojë imunitet nga ndjekja penale për disa veprime zyrtare të kryera gjatë ditëve të fundit të presidencës së tij. Ky vendim është një fitore e pjesshme për ish-presidentin, duke vonuar mundësinë e një gjyqi për akuzat e mashtrimit zgjedhor.
Në vendimin e tij, shefi i drejtësisë John Roberts theksoi: “Presidenti nuk gëzon imunitet për veprimet e tij jozyrtare dhe jo gjithçka që bën Presidenti është zyrtare. Presidenti nuk është mbi ligjin.”
Gjykata e ulët federale tani duhet të shqyrtojë se deri në çfarë mase akuzat kundër Trump lidhen me veprime zyrtare dhe jozyrtare. Kjo çështje ka marrë vëmendje të madhe, duke përfshirë dhe një debat të ashpër midis Trump dhe Presidentit Joe Biden në qershor, ku të dy kanë shkëmbyer akuza dhe kritika të forta në lidhje me respektimin e ligjit dhe integritetin e procesit zgjedhor.
Debati i qershorit midis Trump dhe Biden ishte një përballje ku Trump ishte superior dhe ngriti pikëpyetje mbi vijueshmerinë e Biden në zgjedhje.
