Detaje të reja janë zbuluar nga ekzekutimi ish-policit Santiago Malko, mbrëmjen e djeshme në kryeqytet , në rrugën “Xhanfize Keko”.
Sipas “News24”, policia ka përjashtuar pistën e konfliktit me vëllezërit Lashi në 2016-ën.
Kjo për shkak se dy familjet i kishin dhënë fjalën njëra-tjetrës, që do ta mbyllnin konfliktin.
Tashmë pistat kryesore ku është e përqëndruar policia, janë fusha e biznesit të lojrave të fatit dhe prania e Malkos, më 4 tetor të vitit të kaluar në lokalin në ish-bllok, ku u vra Fabian Gaxha.
Santiago Malko ishte përjashtuar në 2014-ën nga policia, për shkak të biznesit të tij të lojrave të fatit, me të cilin kishte thyer ligjin.
Pas përjashtimit nga policia nisën problemet me drejtësinë, ku u konfliktua me vëllezërit Lashi në 2016-ën.
Kujtojmë këtu se Santiago Malko u ekzekutua nga persona të panjohur, të cilët i prenë rrugën me një furgon të bardhë.
Ata qëlluan me breshëri kallashnikovi drejt makinës “BMW X5” ku ndodhej ish-polici.
Më pas autorët u larguan drejt fshatit Ferraj, ku dyshohet se dogjën një makinë “Mercedes Benz”.
