Pas tërmeteve, vendi ynë është goditur nga stuhi të fuqishme, të shoqëruara me reshje të dendura shiu.
Situata ka qenë problematike në të gjithë qytetet shqiptare, përfshi edhe Tiranën.
Në kryeqytet, si pasojë e reshjeve të shiut, janë përmbytur katet e para të shkollave 9-vjeçare, “Sabaudin Gabrani”, si dhe ato në Yzberisht e Lalm.
Si pasojë e përmbytjeve, ministrja e Arsimit, Besa Shahini, ka urdhëruar pezullimin e mësmit në këto shkolla.
Ajo ka njoftuar, se orët e mësimit do të zëvendësohen një ditë tjetër.
Ndërkohë gjatë natës së kaluar, autostrada Tiranë-Durrës ka qenë e bllokuar dhe qarkullimi i mjeteve është bërë në aksin Maminas-Vorë.
Në veri të vendit, reshjet kanë lënë pa drita disa fshatra të Dibrës, ndërsa rruga Milot-Burrel është bllokuar si pasojë e rënies së një masivi shkëmbor.
Probleme janë regjistruar edhe në Laç e Fush-Krujë, ku si pasojë e reshjeve lumi Zezë ka dalë nga shtrati, duke përmbytur shtëpi dhe biznese.
