Komisioni i Pavarur i Kualifikimit, KPK ka njoftuar pak ditë më parë se gjyqtari i Gjykatës Administrative, Avni Sejdi është shkarkuar nga detyra e tij, pas procesit të rivlerësimit për këtë gjyqtar.
Vetë gjyqtari nuk ishte i pranishëm në seancën e njoftimit të vendimit, por në seancat e tjera ai është përballur me pyetjet e trupës gjykuese lidhur me krijimin e pasurive të tij, si dhe për probleme në kriterin profesional..
KPK evidentoi në fillim të seancës dëgjimore se subjekti nuk kishte qenë plotësisht bashkëpunues me Komisionin, pasi nuk kishte vendosur në dispozicion disa dokumentet të kërkuara.
Procesi i vetingut për gjyqtarin Sejdi u krye nga trupa e KPK e kryesuar nga Roland Ilia, me relatore Genta Tafa Bungo dhe anëtare Suela Zhegun. Në cilësinë e vëzhgueses ndërkombëtare ishte e pranishme Marie Tuma.
