Legjenda botërore e futbollit, Diego Maradona ka përfunduar në spital pasi festoi ditëlindjen e tij të 60-të.
Sipas mediave të huaja, Maradona ishte izoluar në shtëpi pasi një nga të ftuarit në festën e ditëlidnjes kishte rezultuar pozitiv me Covid-19. Por arsyeja e shtrimit të tij në në spital nuk ka të bëjë me një infektim të mundshëm me koronavirus, por me probleme mendore dhe emotive.
Sipas mjekut të tij personal Leopoldo Luque, Maradona është nën presion dhe ka nevojë për ndihmë.
“Nuk ka asgjë serioze ose urgjente. Ai është thjesht një pacient i një moshe të caktuar, i cili është nën presion dhe i cili po kalon një periudhë gjatë së cilës ai ka nevojë për ndihmë. Është e vështirë të jesh Maradona, ju e dini”, u tha Luque gazetarëve jashtë klinikës.
Duket se abuzimet e mëparshme me alkoolin dhe lëndët e ndryshme po japin efekt te trajneri i Gimnassia La Plata. Depresioni dhe anemia duken shkaqet e vizitave të Diegos në klinikën Ipensa në La Plata.
