Krenar Shuli u largua drejt Sirisë së bashku me 4 fëmijët, por fatkeqësisht pas vrasjes së tij të vegjlit mbetën të vetëm. Vajza e madhe është bërë nënë dhe prindërit e tij presin 5 nipër e mbesa. Mbesa nuk ka pranuar të vijë.
Ata janë çuditur që mbesa nuk ka pranuar të vijë. Nga komunikimet me të ata kanë ruajtur një mesazh ku shkruhet: “Teze unë nuk dali se kam frikë. Kur vijnë unë dridhem se kam frikë.”
Gjyshi Shaban Rasha ishte duke pritur sot fëmijët e të birit që ktheheshin nga kampi Al Hol në Siri
Djali i tij Diamant u vra në Siri, ku shkoi për t’iu bashkuar ISIS. Ende nuk ka një njoftim zyrtar për kthimin e nipit, por i përmalluar shton se nga nusja do të marrë vetëm një prej fëmijëve.
“Deri ditën që të mbyll sytë do të kërkoj fëmijët. Nuk do resht. Shteti të më sjellë fëmijët” thotë Shaban Rasha.
Nga Al Hol u riatdhesuan 4 fëmijë dhe një grua, ndërsa dhe 20 të tjerë pritet të kthehen së shpejti.
Bëhet fjalë për 12 vjeçarin Endri Dumani dhe 3 fëmijët dhe nusen e familjes Shuli. Ata u shoqëruan nga kryeministri Edi Rama dhe ministri Sandër Lleshaj, të cilët ishin në Beirut për t’i marrë drejt Shqipërisë.
/GazetaReforma.com/
