Satilno Basho, vëllai i Tesi Bashos, një person me rrezikshëmri të lartë shoqërore, ka dalë përara Gjykatës së Krimeve të Rënda.
Organi i drejtësisë vendosi për të, masën e sigurisë “arrest me burg”, shkruan ‘Dosja.al”.
Ai akuzohet për shtrëngim me dhunë për dhënie pasurie.
Në argumentat e Prokurorisë thuhet, se Tesi Basho i ka bërë presion biznesmenit S.H., për t’i dhënë pjesën e tij të tokës, me vlerë 100 mijë euro.
Mirëpo Satilno Basho e hodhi poshtë akuzën, duke thënë se biznesmenin e ka të afërm dhe i kishte kërkuar vetë që të shkonte t’i merrte lekët.
“Nuk kam lidhje me këtë akuzë. Unë kam shumë marrëdhënie të mira me dajën. Më ka ndihmuar sa herë që kam pasur nevojë. Ai kërkoi vetë që të shkoja e ta takoja unë për të marrë lekët dhe kur e kam marr vesh që është ankuar në polici i kam thënë “pse më fut mua në këtë mesele”. Atëherë e kam takuar edhe dajën dhe më ka thënë “nëse ti arrestohesh unë do vij të deklaroj se ti s’ke lidhje me këtë gjë. Më pas ky konflikt pronëse u zgjidh mes familjeve tona”, tha Satilno Basho në gjykatë.
Vëllezërti Basho u arrestuan pak dit më parë në Selenicë.
Tesi Basho pritet që të ekstradohet në Itali, pasi është dënuar për vrasjen e dy prostitutave.
