Krah efektiveve të Forcave të Armatosura të Kosovës, Presidentja Vjosa Osmani ka uruar 8 Marsin, Ditën Ndërkombëtare të Gruas. Përmes një postimi në Facebook, Osmani shprehet se sot kujton të gjitha ato gra dhe vajza të cilat u shndërruan në simbol rezistence, lufte dhe angazhimi për liri e barazi.
Osmani thekson se në këtë datë shënohet arritja e grave dhe vajzave dhe përpjekjet e jashtëzakonshme të tyre në Kosovë dhe kudo në botë për të drejta të barabarta.
POSTIMI I PLOTË:
Në Ditën Ndërkombëtare të Gruas shënojmë arritjet e grave dhe vajzave dhe përpjekjet e jashtëzakonshme të tyre në Kosovë dhe kudo në botë për të drejta të barabarta.
Sot kujtojmë dhe të gjitha ato gra e vajza që nuk janë më në mesin tonë, e të cilat u shndërruan në simbol rezistence, lufte dhe angazhimi për liri e barazi.
Forca, qëndrueshmëria dhe zelli juaj i pashoq për emancipim të vazhdueshëm, zhvillim e barazi qëndron fort në themelet e Republikës sonë. Sot, nesër dhe çdo ditë, me ju dhe për ju!
