Kreu i Urgjencës Kombëtare, Skënder Brataj dhe mjeku Andi Korqai ishte në mesin e mjekëve të infektuar nga koronavirusi, të cilët arritën ta mposhtnin dhe tashmë gëzojnë shëndet të plotë.
Së fundmi, presidenti i vendit, Ilir Meta ka reaguar rreth këtij lajmi duke e cilësuar si “një lajm të mirë dhe të gëzueshëm, ashtu sic është shërimi i çdo mjeku apo infermieri tjetër nga kjo pandemi e rrezikshme.”
Duke ndarë në rrjet postimin e ministres Manastirliu, Meta thotë se nga ana tjetër duhen forcuar masat mbrojtëse ndaj tyre, duke iu lehtësuar kështu edhe punën me sa mundemi.
Më herët ditën e sotme ministrja Manastirliu njoftoi se deri tani 36 persona nga stafi mjekësor të infektuar nga koronavirusi, janë shëruar, teksa numri total i pacientëve që kanë fituar betejën është 248.
STATUSI I PLOTËShërimi i Dr.Skënder Brataj dhe Dr.Andi Koraqi nga #COVID19 është një lajm i mirë dhe i gëzueshëm për të gjithë, sikundër është edhe shërimi i të gjithë mjekëve dhe infermierëve të cilët e kanë fituar betejën me këtë pandemi të rrezikshme!
Duke i falenduar të gjithë mjekët dhe personelin shëndetësor, që me përkushtim të jashtëzakonshëm dhe profesionalizëm po sakrifikojnë si askush tjetër për shëndetin e çdo qytetari në vijën e parë të frontit, ritheksoj rëndësinë e forcimit të masave mbrojtëse ndaj tyre dhe domosdoshmërinë e bashkëpunimit tonë për t’ua lehtësuar punën sa të mundemi.
https://www.facebook.com/1477517792294489/posts/2935681733144747/
