Presidenti Meta iu është drejtuar të rinjve që votojnë për herë të parë me një mesazh. Në një postim në Facebook Meta shkruan se Shqipëria i ka sytë tek ta dhe se pjesëmarrja e tyre massive në zgjedhje dhe vota në 25 prill është oksigjen për demokracinë e vendit. Meta thotë se vota e të rinjve është vendosmëria dhe përkushtimi ndaj vendit me pasion.
Postimi i Metës
“Të dashur të Reja dhe të Rinj, të cilët votoni për herë të parë!
Shqipëria i ka sytë te Ju!
Pjesëmarrja Juaj masive në zgjedhje dhe vota juaj më 25 Prill është oksigjen për demokracinë dhe të ardhmen e vendit.
Është Ripërtëritja dhe Energjia, që i duhet Shqipërisë të prekur rëndë nga shpopullimi, për t’u ringritur dhe ecur drejt Europës.
Është vendosmëria për përkushtim ndaj vendit me pasion, integritet dhe dashuri!
Është e ardhmja juaj, në Shqipërinë tuaj!
Në zgjedhjet e 25 prillit do të votojnë për herë të parë 107,024 të rinj. Sot është dita e fundit e fushatës zgjedhore, ndërsa PS dhe LSI mbajtën ditën e djeshme takimet përmbyllëse në Tiranë. Sot pritet gjithashtu të mbajë takimin përmbyllës në kryeqytet edhe Partia Demokratike. Socialistët kërkojnë një mandate të tretë, ndërsa PD kërkon të rikthehet në qeveri pas 8 vitesh në opozitë.
