“Presidenti i SHBA, Joe Biden po bën presion të tmerrshëm mbi Greqinë që të njohë pavarësinë e Kosovës”. Kjo është ajo çfarë kanë shkruar ditën e sotme shumë media serbe për sa i përket çështjes së njohjes së Kosovës si një shtetit i pavarur.
Më tej theksohet se, presioni po bëhet aq i madh sa synohet që qëllimi për njohjen e Kosovës nga Greqia të bëhet edhe para nisjes së dialogut mes Beogradit dhe Prishtinës.
Sipas asaj që citohet me mediat serbe, “presioni” po bëhet direkt nga Presidenti i Shteteve të Bashkuara të Amerikës, Joe Biden.
Ata i referohen ‘burimeve të tyre diplomatike’, duke shkruar se “është e rëndësishme për Washingtonin që Athina ta njohë pavarësinë e Kosovës përpara vazhdimisht të dialogut midis Prishtinës dhe Beogradit në Bruksel, i cili është planifikuar në mes të qershorit”.
Në shkrimin e publikuar në mediat serbe më tej shkruhet se kjo shkel edhe Marrëveshjen së Washingtonit të arritur në kohën e ish presidentit Donald Trump,
Gjithashtu, shkrimi nënvizon frikën se në rastin e njohjes së Kosovës nga Greqia, kjo do të mund të pasonte me njohje edhe nga vendet tjera evropiane, Spanja, Rumania, Qipro dhe Sllovakia që do të mund ta ndiqnin shembullin e njejtë.
