Vendet më të pasura kanë premtuar një shumë rekord prej 300 miliardë dollarësh (238 miliardë £) për të ndihmuar vendet në zhvillim të përballen me ndryshimet klimatike.
Megjithatë, marrëveshja është kritikuar për mosadresimin e plotë të sfidave që ngrohja globale sjell për kombet më të varfra.
Samiti i OKB-së për klimën, COP29, i mbajtur në Azerbajxhan, nisi me një vonesë prej 33 orësh.
Simon Stiell deklaroi: “Ka qenë një rrugëtim i vështirë, por kemi arritur një marrëveshje.”
Gjithsesi, gjatë diskutimeve nuk u arrit konsensusi për të zbatuar një marrëveshje të vitit të kaluar, e cila i bënte thirrje shteteve të largoheshin nga përdorimi i karburanteve fosile. Ndërkohë, vendet në zhvillim dhe ato më të prekura nga ndryshimet klimatike u larguan nga bisedimet të shtunën pasdite, duke shprehur zhgënjim.
Nuk e ekzagjeroj kur them se ishujt tanë po fundosen! Si mund të prisni që ne të kthehemi te gratë, burrat dhe fëmijët e vendeve tona me një marrëveshje të dobët?” tha kryetari i Aleancës së Shteteve të Vogla Ishullore, Cedric Schuster.
