Papa Françesku, i cili ka qenë i shtruar në spital për më shumë se dy javë për shkak të pneumonisë së dyfishtë, ka kaluar një natë të qetë dhe tani po pushon, sipas një njoftimi të Vatikani më 28 shkurt.
Ai u shtrua në spitalin Gemelli të Romës më 14 shkurt, fillimisht me diagnozën e bronkitit, por më vonë u zbulua se kishte një infeksion më serioz.
Vatikani njoftoi se gjendja e Papës është përmirësuar, megjithatë, prognoza e tij vazhdon të monitorohet për shkak të kompleksitetit të situatës shëndetësore.
Papa Françesku ka pasur probleme shëndetësore në vitet e fundit dhe është i prirur ndaj infeksioneve në mushkëri, pasi ka hequr një pjesë të mushkërisë kur ishte i ri.
Pneumonia e dyfishtë është një infeksion serioz që mund të shkaktojë inflamacione dhe të vështirësojë frymëmarrjen. Vatikani shtoi se të shtunën, Papa kishte përjetuar një krizë të frymëmarrjes, por që nga ajo kohë nuk ka pasur probleme të ngjashme.
Papa Françesku, 88 vjeç, udhëheq Kishën Katolike që nga viti 2013./ Rel
