Nga data 13 korrik qytetarët shqiptarë mund të lëvizin më lehtësisht drejt Greqisë, ndërsa ministrja e Jashtme ka bërë me dije edhe masat që duhen mbajtur parasysh. Prej ditës së martë do të hapet pika doganore “Tre Urat” që do të punojë nga ora 08:00 deri në 20:00. Ndërkohë, pika doganore e Qaf Botës do të funksionojë 24 orë dhe pa asnjë kufizim të numrit të udhëtarëve.
Postimi i Xhaçkës:
Prej datës 13 korrik qytetarët shqiptarë , veçanërisht banorët e Ersekës dhe Përmetit do të mund të lëvizin më lehtësisht drejt Greqisë .
Pika doganore e Tre Urave, do të hapet prej së martës e në vijim, nga ora 08:00 deri në ora 20:00.
Pika doganore e Qaf Botës do të funksionojë 24 orë dhe pa asnjë kufizim të numrit të udhëtarëve.
Që prej ditës së sotme, në këtë doganë do të lejohet edhe kalimi i kamionëve, fugonëve të mallrave, si dhe dhe autobusëve.
KUJDES! Përpara se të lëvizni drejt Greqisë dhe vendeve të tjera në BE apo jashtë saj, informohuni për protokollin, përmes adresës zyrtare të MEPJ:
INFORMACION MBI LEVIZJEN E SHTETASVE SHQIPTARE NE SHTETET E HUAJA
Ministria për Evropën dhe Punët e Jashtme, nisur nga situata e krijuar prej kufizimeve të lëvizjes së lirë të
udhëtarëve jashtë vendit, me qëllim parandalimin e situatave problematike, informon në kohë reale për çdo
ndryshim të këtij regjimi që lidhet me lëvizjen e qytetarëve shqiptarë.
Këshilli i BE ka rekomanduar Shqipërinë në listën e vendeve të cilat mund të rifillojnë lëvizjen e lirë drejt
vendeve të Bashkimit Evropian: https://bit.ly/3cSËrI9
Kujdes! Disa prej vendeve të BE mund të kenë protokolle specifike edhe pas këtij rekomandimi të fundit, ndaj
duhet të lexoni informacionet e përditësuara rast pas rasti dhe sipas çdo shteti. Gjithkush ka përgjegjësinë
individuale dhe kolektive për t’i respektuar këto rregulla. Për më shumë informacion për lëvizjen në vendet e
BE-së: https://reopen.europa.eu/en/
